fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Gobierno a scoge pa hiba un gobernacion di hopi medida

Parlamentarionan a haya nan mes cu un situacion na Parlamento, unda cu gobierno actual a manda diahuebs cambionan den e ley di presupuesto. Pa diabierna a yama un comision central pa asina trata e ley aki, di cual a duna e Parlamentarionan un par di dia pa bin cu preguntanan riba e cambionan di ley.

 

Parlamentarionan mester a entrega nan pregunta dialuna y asina cu a entrega nan, diamars mainta a pidi un reunion pa asina trata y pasa e ley aki. No tin mucho cos di trata na momento cu no ta duna respet na Parlamento, cu ta e bos di pueblo pa haci preguntanan, asina Parlamentario di Fraccion AVP, Michael Lampe ta expresa. A yega pone esaki y casi ta impone cu esaki mester sosode.

 

Parlamentario Lampe ta kere cu diamars tabata un dia basta tristo p’e bos di Parlamento, e bos di pueblo mirando con e proceduranan aki a bay pa loke ta tratamento di e cambionan di ley di presupuesto. Ta hopi importante pa tur hende realisa y puntra nan mes, kico ta e cambionan haci na e momentonan aki. Tambe kico e gobierno aki lo trece den e tratamento di budget y presupuesto di Aruba. Ta hopi medida e gobierno a kies pa hiba den nan maneho di loke nan ta treciendo pa dilanti.

 

Fraccion di AVP como pueblo, como Parlamentarionan ta keda hopi critico riba esaki, pasobra hopi biaha politica ta cay y ora e momento yega, eyfo no ta tur ora hende ta compronde ta pasando. Y pasando den un velocidad hopi lihe ta pone cu cada biaha ta cay bek den un maneho anterior. Como gobierno ora di a pidi pa haya mando tabata pasobra bo tin solucionnan cu a priminti pueblo di bay duna. Pero na e momentonan aki por mira cu esaki ta al contrario di loke nan a priminti durante campaña. E gobierno aki ta introduciendo medida tras medida riba pueblo. Lo bay tin un caida grandi di poder di compra di 10%, unda pensionado y hendenan lo sinti esaki den e maneho cu e gobierno aki a kies pa hiba. E maneho aki ta di medida riba pueblo di Aruba.

 

E gobierno actual ta pasando cambionan den ley y a kies un forma di hiba maneho diferente di loke ta trata e gobierno anterior, unda cu por mira diferente cambio lo afecta comunidad, riba maneho di pais Aruba. Tambe riba efectonan cu lo dal e young professionals, start ups, hendenan cu kier cuminsa cu companianan grandi, asina Parlamentario Lampe ta expresa.

 

Aruba ta draai hopi riba companianan mas chikito, mediano, cu siguramente mester di un estimulo di por ranca sali cu bo economia. E medidanan cu ta drentando aworaki pa Aruba, e BBO cu e gobierno actual ta hisa, e diferente forma cu nan ta bay trece pa hisa nan inkomsten lo bay tin un efecto grandi riba mercado. Esaki lo bay tin un efecto grandi riba hobennan con e young professionals, personanan cu kier cuminsa.

 

Fraccion di AVP sa cu nan ta un parti importante pa keda innova y keda bin cu diferente manera pa hiba e pais dilanti, lo bay sinti un efecto grandi cu esaki. Parlamentario Lampe ta mira cu esaki ta algo di lamenta, pasobra gobierno ta hiba un enfoke riba un gobernacion den un forma di trece medidanan cu lo bay tin efecto grandi riba hendenan aki na Aruba.