fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Gobernante sin experiencia un peliger pa nos pais

“Falta di conocemento legal estatal pero mas cu tur cos, falta di experiencia di e gobierno actual, a pone nan firma pa COHO, siendo cu esaki  ta contra Statuut di Reino.

Tur hende por corda con Xiomara Maduro,  alias Sweetie,  a manda tur hende cera boca pasobra segun Sweetie, su persona ta mas sabi y sa tur cos miho cu tur hende y su colega Evelyn Wever Croes, alias 1 April,  riba un tono arogante a insulta tur miembro di Parlamento cu a tribi cuestiona COHO.

Tur hende ta di acuerdo cu Hulanda por pone condicion pa cu placa cu e ta fia Aruba, sigur si tene cuenta con e gobierno actual ta mal gasta placa y ta faborece famia y amigo.

Pero no por trapa riba dignidad di hende y sigur no riba dignidad di un pueblo completo y no por laga un grupito, bin dicta riba un pueblo sin cu e grupo aki tin cu duna cuenta na ningun institucion democratico di control, den e caso aki Parlamento.

E grupito aki lo mina e desaroyo di e nos pais y despues cu nan caba cu nan disaster, lo bandona e pais y laga nos pais ‘coho’ di berdad.

Awor cu Raad van State a papia mi ta sigur cu gobierno no por sconde e realidad bochornoso cu nan a comete, contra un pueblo na su momento mas vulnerable, na un momento di incertidumbre, a dicidi di puñala nos pueblo y a yama nos cu a para pa democracia den Reino,  anti pueblo y traidor.

Awe tur hende por dicidi pa nan mes ken ta e berdadero traidor.

Evelyn a bula bay hulanda y ‘ja-knik’, sin bringa ningun momento pa honor di su pueblo y awor di repiente kier Sali afo y pretende cu awo e ta bay lucha, awo  cu el a entrega autonomia y dignidad di nos pueblo.”

Leave a Reply

Your email address will not be published. Required fields are marked *