fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Firma y acuerdo electronico ta un realidad

Prome di a finalisa su mandato, Gabinete Mike Eman II a presenta un ley na Parlamento cu ta elimina incertidumbrenan na momento di haci transaccionnan via medionan electronico, como tambe garantiza derecho y obligacionannan cu ta surgi for di acuerdonan comercial cera den forma digital. E ley cu ta regla e valides di acuerdonan sera electronicamente ta brinda seguridad legal pa usuarionan y ta duna e firma digital mesun balor legal cu un firma fisico. “Cu e ley aki Aruba ta yega un paso mas cerca di un economia moderno caminda lo a crea e  structura legal pa, entre otro, e-commerce,” sr. Arends a declara. “Despues di tres aña drumi na Parlamento awe esaki ta un realidad.”

Miembro di fraccion di AVP den Parlamento, sr. Richard Arends, a presenta e ley aki cu ta regla bon conducta di comercio electronico na Parlamento un dia prome di a baha como minister di Asuntonan Economico y Comunicacion.  “E ley aki lo ta e prome paso pa haci e transicion di un economia convencional pa un economia nobo caminda actividadnan comercial, comunicacion,  informacion y  servicionan no ta wordo hiba den un forma fisico. “E roadmap 2017-2020 pa modernisacion di nos sistema di pago manera cu Banco Central a presenta ta den pleno ehecucion. Transaccionan den tempo real entre banconan y awor firma electronico ja caba ta un hecho,” sr Arends a finalisa bisando.