fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Falta di proactividad y un actitud di lora manga y traha completamente ausente

Despues di mas cu 100 dia di gobernacion nos por tuna nota di un falta di pro-actividad di parti di Gobierno, no solamente riba tereno financiero pero tambe riba tereno economico. Te dia di awe no tabatin reunionnan na nivel strategico pa loke ta trata un partner cu ta nifica 15%  di bo economia. Riba dje gobierno ta dunando organonan di consulta, organonan externo, un poder den bo estado di derecho cu nan no tin.

 

Gobernacion ta un acumulacion di reto tur dia. Constantemente bo tin retonan pa atende, constantemente bo tin crisis y e diferencia ta con como gobiernio bo ta atende cu esakinan.

 

E cumplimento di e metanan financiero cu nos logra den ultimo gabinete, no solamente a wordo confirma door di CAFT, pero tambe door di e cuentanan anual di Pais Aruba. No solamente nos cumpli cu e normanan durante ehecucion di presupuetso, pero tambe na momento cu e cuenta a a cumpli cu e gasto y entradanan. E logro aki ta un trabou di hopi hende, di hopi departamento, di personanan cu a traha hopi duro pa logra e metanan stipula.

 

Logra meta no ta algo cu ta bin di mes, e no ta algo cu ta djis sinta traha un plan anto kere cu e lo wordo ehecuta su so. Como mandatario bo mester ta pro-activo, bo mester ta den contacto cu bo departamentonan constantemente, pensa y kibra cabes hunto cu nan pa logra e metanan. Nos a logra cumpli cu e normanan cu nos mes a stipula, den un periodo di cuater aña, cual no ta facil pero a lora manga y traha pa por yega y cumpli cu e normanan.

 

Nos ta haya falta di pro-actividad den diferente area, entre otro, den e maneho financiero y aspecto economico. Falta di pro-actividad di un actitud lora manga y traha ta bisto.

 

Na 2009 ora cu AVP a asumi responsabilidad di gobernacion, nos no a core campaña ey pa reforma fondonan di pensioen. Na momento di a wordo sorpresa pa fondonan di pensioen den bancarota, nos a sinta hunto cu e partnernan social, sin keha, trahando  shete dia pa siman, pa por logra e reforma nan riba fondonan di pensioen di SVB, esun tambe esun di APFA cu tabata na rand di colapso.

 

Na 2009 tampoco nos a core campaña pa introduci supervision riba e mundo financiero di Aruba. Sinemabrgo nos a haña nos mes confronta cu esaki a introduci e ley a  scapa Aruba di ta riba e black list di FATF. Nos a tuma accion y sin keha. Igualmente pa loke ta trata refineria. Den 100 dia ya caba a logra na firma un MOU cu Valero pa por reanuda su actividadnan y sali di e disputa cu nos tabata den.

 

E spirito aki ta completamente ausente den e gobierno di coalicion actual: e spirito di pro-actividad, di ban traha pa logra metanan na bienestar di pueblo en general, of pa pone e prome pasonan pa cualkier sea bo vision. Den e prome 100 dianan di Gabinete Mike Eman tabatin decisionnan concreto pa cambia e rumbo cu Aruba tabata bayendo. Prioridadnan di e Gobierno actual no ta conoci pa nos, como cu e programa di gobernacion no a wordo presenta na Parlamento. Te awor nos ta wak decisionnan ad hoc.

 

Mi ta hasi un biaha mas un yamada na gobierno y nos coleganan pa nan por conduci pa gobierno ta hopi mas pro-activo riba e areanan financiero y economico,” Parlamentario Richard Arends a mustra.