fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Evento grandi y exitoso di partido AVP na Savaneta

Na Savaneta partido AVP a inaugura un Cas di Partido den bario di Savaneta. Despues di anuncio di Sra. Wyatt-Ras na cas di su mayornan, caminda cu e la anuncia su union cu partido AVP, un masa grandi di sostenedornan a aglomera na e centro politico. Introduci pa Prome Minister di Aruba y alabes lider di AVP, Mike Eman, Sra. Wyatt-Ras a wordo ricibi cu mannan habri y cu un hopi positivismo. Gradiciendo su sostenedornan, esnan cu a introducie na partido AVP, su ruman y primonan, Sra. Wyatt-Ras a bira hopi emocionante y a bisa hopi cla cu e ta hopi satisfecho di por a uni su mes na AVP.

Mike Eman a pidi e publico presente un Bon Bini pa Sra. Wyatt-Ras y inmediatamente a cuminsa un applauso combina cu gritonan di Bon Bini. Un sentimento expresa despues pa Mike de Meza, Benny Sevinger, Otmar Oduber, Michelle Hooijboer-Winklaar, Paul Croes, Baba Herde, Clarisca Velasquez, Melvin Tromp, Juan David Yrausquin, Donny Rasmijn, Alex Schwengle y Desiree Croes.

“Politica na Aruba ta wordo reenforsa,” segun Paul Croes, referiendo na e hecho cu a cambia negativismo pa positivismo ta refleha tambe den politica henter na Aruba.

DSC_1250 DSC_1194 DSC_1190 DSC_1171 DSC_1164 DSC_1146 DSC_1132 DSC_1103 DSC_1098 DSC_1093 DSC_1085 DSC_1019 DSC_1010 DSC_0889 DSC_0840 Savaneta Event

Leave a Reply

Your email address will not be published. Required fields are marked *