fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Evento di reconocimento pa mamanan na cas di partido

Dia 8 di mei, riba Dia di Mama, lider di Partido AVP, Mike Eman y mas miembronan di Partido y un comision di eventonan special di partido, a ofrece un mainta di reconicimento pa mamanan cu tabatin un aña dificil tras di lomba. Un aña unda sea e mamanan aki a perde un familiar cerca of mester a confronta retonan dificil den famia.

Lider di Partido, Mike Eman a expresa cu ta momentonan asina ta importante pa nos mamanan sinti cu nos di partido AVP tey pa ofrece nan nos amor, nos sosten y nos cariño. “Nos semper tey y Partido semper tey pa ofrece un schouder di sosten y apoyo na nos pueblo y den esaki cu hopi amor y admiracion na nos mamanan”, lider di Partido mr. Mike Eman a envatisa.

Tabata un mainta hopi placentero cu hopi amor pa tur mama cu a keda honra y cu tabata presente riba nan dia special. Tony Geerman cu su guitara y bos fuerte y melodico a canta cancionnan di aprecio pa mamanan pa deleita tur presente y trece un tremendo ambiente.   

Leave a Reply

Your email address will not be published. Required fields are marked *