fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Dr. Ike Posner ta boga pa elimina retraso di cirugianan no urgente na IMSan

E specialista y ex Minister di Salud tabata un di e oradornan invita durante e Encuentro Brainstorm COVID-19. El a elabora riba e necesidad cu tin pa sigura e continuacion di otro tratamentonan medico. Aki a duna como ehempel pashentnan cu tin un pacemaker y cu e bateria ta cabando. Den un escenario normal, esaki ta un procedura simpel cu ta programa den un periodo di 1 pa dos siman, pero actualmente ta mas dificil pa programa memey di tur otro cirugia cu tin urgencia.

Esaki ta retonan adicional cu e pandemia di COVID-19 ta trece pa e sector medico, fuera di e tratamento di e pashentnan positivo mes. Un recomendacion cu dr. Posner a trece dilanti ta pa destina e facilidadnan di IMSan pa baha e retraso cu tin den cirugianan regular of no urgente pa di e manera aki percura cu tur persona na Aruba, positivo of no, ta haya e cuido medico necesario.

Partido AVP a gradici su ex candidato y Minister di Salud pa e tempo dedica na participa den sesion informativo cu a tuma luga diahuebs anochi na Renaissance Convention Center y cu a contribui enormemente na intercambio for di diferente sector di nos comunidad y cu a duna un imagen mas integral di e situacion di COVID-19 na Aruba.