fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Despues di a gaña henter pueblo ainda prome minister kier papia di integridad?

Dia 22 di April di 2016 prome minister Evelyne Wever Croes a pone e dicho  ‘integrity is making sure that the things you SAY and the things you DO are in alignment’ riba su social media dirigi na un persona riba  pago di number di auto den dos paga.

Lider di fraccion di AVP, sr Marlon Sneek a mustra cu durante di campana electoral y tambe despues cu el a forma su gabinete di tres color, tambe Evelyne constantemente tabata bisa c’un politico tin cu bisa loke e ta bay haci y haci loke e ta bisa.

Segun sr Sneek despues Eveyne a bira e portador di e palabra integridad, no na interes general pero pa haci politikeria cu esaki pero lubidando cu den su propio seno tanto personal como di Partido, e palabra integridad nunca lo por cuadra.

“Un prome minister manera Evelyne Wever Croes kende frontalmente a gaña pueblo den un forma nunca antes bisto, awor ta pretende di ta bira defensor di integridad den gobernacion.

Aki ta un prome minister cu a bisa pueblo cu e lo goberna sin medida, a bira staca pueblo un puñal den lomba cu cantidad di medida y sin cumpli c’un lista largo di otro promesanan haci.

Ta e lider di MEP aki a drenta casnan den barionan, sigurando cu e lo baha, prijs di gasolin, cu e lo baha prijs di awa y coriente, cu nan lo baha edad di pensioen, cu nan lo hisa salario minimo, cu nan lo baha e cantidad di ministernan, cu lo reduci gastonan di personal y ningun di nan su gobierno y su persona a cumpli cu esakinan.

E kabel cu mester a core for di Colombia pa Aruba  pa asina haya electricidad mas barata no ta ni wordo menciona mes y  entre otro un ley pa castigo pa abusadonan di muchanan cu e lo a pasa den seis minuut, ainda no a ni wordo presenta na Parlamento corda pa wordo ehecuta.

Awo ora cu nos scucha Evelyne papia cu e ta trahando pa evita tipo di casonan manera esun di Paul Croes, e prome minister ta lubida cu den su partido y na su oficina na e momentonan aki, tin su omo Rudy Croes caminda gobierno di Reino a manda secratario di estado bin Aruba, y ranca e cartera di minister for di Rudy y a cambio di esaki, prome minister di e tempo ey, Nel Oduber, a regala e delegacion di Hulanda un buki di Carnaval di Aruba.

Ta pa falta di integridad a kita cartera for di su omo y ta su tata a bira e fundado di e oficina cu a bira conoci comoMoChimi na Santa Cruz, caminda tabata regla permisonan y asina e negoshi di regla permiso a inicia. Den su famia.

Den su gabinete Evelyne tin un minister cu internacionalmente ta conoci di ta amigo di un financiado di terorismo, un labado di placa y un traficado di droga, esta Bouterse kende a wordo haya culpabel di e delitonan aki na Merca y ta cera.

Ta su primo Glenbert Croes ta amigo di e persona aki y por a mira cantidad di articulo y fotonan di nan hunto para brasa y awe e mesun persona aki, su primo ta minister den su gabinete.

Nos no mester bay mucho leu cu Evelyne mes, ya cu na momento cu e kier papia di integridad, cu e kier cuestiona integridad di tur otro rival politico, e prome minister tin cu cuminsa cu su propio persona.

Durante di campaña electoral na 2013 ta Evelyne a core cu Gerrit Schotte riba jeep den barionan promoviendo su partido y ta mesun Gerrit Schotte aki kende a wordo haya culpabel na tres ocasion, pa asuntona ilicito entre otro labamento di placa, sin cu nunca Evelyne a duna splicacion ki relacion e tabatin cu e persona aki.

Papia di bo mesun integridad, sigur ora Evelyne a wordo fotografia c’un Venezolano riba su jeep durante di campaña electoral, cual persona despues conoci bou di e apodo Toro, a wordo deteni y ta wordo investiga den asunto di contrabanda di oro di Venezuela,” lider di fraccion di AVP, Marlon Sneek a declara.