Fraccion di AVP ta mustra cu diahuebs ultimo parlamento di Aruba tabatin un reunion stipula relaciona cu cobransa pa recohe sushi cu na ultimo momento a wordo cancela. Despues cu a sinti e rosea di e pueblo aki pa locual cu ta e intencion di Gabinete-Wever Croes a haya nan ta core cabes di gai y cancela e reunion publico. Remarcabel ta e hecho cu ta e propio lider di fraccion di MEP,  kende ta esun cu a pidi pa e reunion,  a hay’e ta cancela esaki.

Locual cu nos a nota ta c’un persona cu Minister Otmar Oduber a instala bek na Serlimar despues cu e la worde retira di trabao pa motibo di incumplimiento y otro casonan serio, a presenta c’un grupo di trahadonan di Serlimar pa bay confronta esunnan di MEP den parlamento. Obviamente e trahadonan no a comprende e strategia cu gobierno ta hungando cu nan.

Gobierno a anuncia cu lo bay duna un tempo di 6 luna pa reconsidera y prepara pa e medida pa loke ta recogimento di sushi y aki ta caminda pueblo ta bisa si ya caba tin presupuesta un suma si mas cu 20 miyon, kico ta e urgencia y motibo di e cobranza contra pueblo.

Sr. Otmar Oduber cu tin amplio experiencia con pa hunga e weganan aki. a core baha bay den e grupo di trahadonan pa bin mustra su cara y papia a netchi pa engaña e trahadonan.

E strategia aki tabata pa haci como si fuera cu e ta traha na benificio di pueblo y tur esaki ta contrario na e desaster cu Parlamentarionan di MEP POR RED a acorda pa bay desgracia bida di nos hendenan cu medidanan, cu hopi crueldad,  e supuesto 12 miembro nan di e coalicion aki hunto cu 8 Minister mediocre a pasa den parlamento contra pueblo.