fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Conmemoracion conmevedor pa Anne Frank

Diadoming 12 di juni cu ta e fecha natal di Anne Frank e organisacionan di hobenan di AVP, Plataforma Hobennan Profesional (PHP) y Green Gen Z a organisa un conmemoracion pa corda e bida di un hobencita cu tanto mensahe y ehempel noble a laga atras.

E conmemoracion a habri cu un presentacion conmovedor di violinista Omar Kock cu presentacion di e Himno di Aruba y e instrumental di e conocido pelicula Schindler’s List. Representantenan di PHP, Wendrick Cicilia y Abigael Arends y hobenan di Generacion Z, Jeanyra Yarzagaray y Karyme Acosta acompanja pa hobenan di Arubaanse Padvindsters Gilde a duna tributo na Anne Frank cu un ceremonia di krans na su estatua.

Rabbi Baruch a comparti un oracion y mensahe den memoria di Anne Frank y e miyones di personan cu a perde nan bida durante segundo guerra mundial. Tambe a comparti e mensahe di e luz cu mester pasa di un pa otro pa ilumina nos caminda padilanti guia pa nos Creador.

Tabata tin discursonan sumamente eloquente di Wendrick Cicilia y Abigael Arends y hobenan di Generacion Z, Jeanyra Yarzagaray y Karyme Acosta. Lider di Partido mr. Mike Eman a sera e conmemoracion cu un refleccion profundo riba e nececidad pa orienta nos mes atrobe riba creencia, fe, proposito di bida y amor prohimo. Mike Eman a invatisa cu e Pandemia a mustra mundo cu no tur cos ta den nos man, no tur cos por worde calcula y dirigi. Tin forza mas grandi, tin un nececidad pa nos ta conciente y humilde frente e realidad transcendental aki y tene asina na nos fe pa guia nos. E a mustra cu den tur e tragedia cu Anne Frank a pasa aden nunca e a perde speranza, pasobra su fe den Dios tabata grandi. Anne Frank su forza pa supera tabata tambe den e amor y sosten incondicional di amistadnan. Mike Eman a bisa cu esaki tambe ta un leccion grandi di e historia di Anne Frank; amigonan incondicional cu a risca nan propio bida pa proteha y cuida otro prohimo. Un motivacion y ehempel pa nos tur, Eman a envatisa. 

Rabbi Blasberg a duna e oracion di clausura cu e mensahe di con inspirativo e bida y ehempelnan di Anne Frank tabata ta cu ta awe nos por tene na dje. E bunita atardi-anochi a sera cu un cancion gospel conmovedor di Eltienne Yarzagaray.  

Leave a Reply

Your email address will not be published. Required fields are marked *