fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Cifranan oficial di turismo ta contradeci declaracion sin pia ni cabes di Prome Minister

Parlamentario pa fraccion di AVP, sr Arthur Dowers a mustra cu tempo cu Minister Presidente actual, Evelyne Wever Croes tabata den oposicion, su partido tabatin un “draaiboek” di gañamento caminda cada bes cu un cifra sali, nan tabata ‘inflate’ esaki dramaticamente pa spanta pueblo.
El a sigui mustra cu nan a haci esaki cu casonan di atraco, casonan di ladronicia y tambe a haci esaki cu e caso di Venezuela.
Ora cu traha un draaiboek riba e desaroyonan na Venezuela den pasado, Parlamentario Dowers a mustra cu a papia di scenarionan y cu nunca a papia di asilo y tur e cosnan ey ya cu no tabatin guera na Venezuela y no tabatin ningun momento pidimento di asilo for di e pais ey.
Esey a wordo haci e tempo aki pa no motiva ningun hende pa core bin haci loke Evelyne Wever Croes ta haciendo awor aki.
Ora e draaiboek a wordo traha, nan e lek e informacionnan aki na un radio liga na e Minister Presidente caminda entre otro bisa cu gobierno di AVP lo bay kita un tereno di bala di un club pa pone e hendenan cu lo bin for di Venezuela y e informacion aki a wordo saca y mal uza esaki y gaña pueblo cu esaki y ta e tempo ey ta nan den oposicion a menciona e cifra di 12 mil pa 15 mil Venezolano cu lo ta na Aruba den forma ilegal.
“Awor kico nos ta realisa, cu awor cu bo a bay yama Hulanda y broma cu bo ta Minister Presidente pa duna informacion, ta resulta cu nan a haci un pregunta na su persona y awor ta resulta cu el a cay den su propio trampa.
Pa duna un idea di e cifranan y si Premier Wever Croes tabata kier cifra real, e por a tuma contacto cu mi persona.
Nos a cuminsa haci un analisis na 2015 ora cu e situacion na Venezuela a bira hopi dificil y nan a bin cana rond cu maleta, a ‘swipe’ tur caminda y nan a crea panico, caminda nos a monitor e situacion caminda na 2015 a bin Aruba 1.2 miyon turista.
Loke nos a cuminsa monitor e ora, tabata cual parti tabata Venezolano, caminda e cifranan oficial tabata mustra cu na 2015 tabatin 378.731 turista Venezolano a bin Aruba y subsecuentemente lo por mira cu e cifra aki a baha.
Nos a bay controla cuanto hende a yega na cuminsamento di aña y na final di e aña nos a bay controla cuanto a sali 377 .700 turista a sali bek na 2015 loke a duna indicacion cu lo a keda un grupo di algo mas cu 1000 turista atras.
E problema cu nos tabatin ta cu mester analisa esaki riba un periodo mas largo y ora cu bay mira por ehempel na 2016, por mira cu a drenta Aruba 1.1 miyon turista di cual pa loke ta Venezolano e cantidad tabata 230.149 y ora cu mira cuanto a Sali, un cantidad cu ta casi mesun cos y e ora por saca e conclusion cu lo a keda un par di 100 turista.
E problema di esaki ta cu na luna di Januari ta constata cu ta sali mas turista cu a drenta y ta realisa cu e turistanan cu a drenta den un aña, ta saliendo na comienso di otro aña y cada bes por ripara cu ta sali mas turista na Januari cu ta drenta na december.
Kiermen ora cu bo haci un analisis basta zuiver, bo por yega na e conclusion cu ta keda atras 1500 turista den un aña, pues no tin 12 mil turista cu a keda atras y no por conta e cantidadnan hunto ya cu nan ta sali bek pa nan pais despues.
Tampoco Minister Presidente por bay bisa cu e hendenan aki ta ilegal ya cu e hendenan aki por a drenta como turista y despues a haya un permiso of a haya un extension como turista di 30 pa 90 dia, pues e cifranan aki ta dificil pa compara bon .
Sinembargo nan ta bisa bo cu loke por keda atras na Aruba riba un periodo largo, ta 1000 turista.
Si wak por ehempel na 2017 caminda tin e cifranan te cu luna di Juli, a drenta compara cu 2015 caminda tabatin 370 mil turista Venezolano a drenta y na 2017 tabatin 54.493 turista so a drenta procedente di Venezuela.
Pues e conclusion cu por a saca ta cu e maneho cu a ser hiba e tempo ey, a demotiva e turista Venezolano pa bin keda y tambe ta un hecho cu varios di e turistanan cu a keda atras, a cuminsa sali y aki por mustra riba e hecho cu mientras cu a drenta 54.493 turista na 2017 a base di cifranan disponibel te cu awor, mientras cu a sali 56.602 turista, pues a sali 2 mil turista mas cu a drenta y loke ta compensa e final di e aña prome.
Esey ta bisa bo cu e cifranan cu tin na disposicion, ta bou di 1000 hende a keda atras ilegal y nunca a yega na e cifra di 12 mil ilegal cu a keda atras y ora cu como Minister Presidente bo ta bay papia e disparate aki, e ta un berguensa pa nos pais,” Parlamentario Arthur Dowers a declara.