fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Castigo tras di castigo gabinete Wever Croes ta sigui pone riba henter pueblo

Lider di AVP a sigui mustra cu tur dia nan ta hayando mas y mas rapport for di institutonan manera Banco Centra y Centraal Bureau Statistieken, cu ta mustra riba kico ta e situacion di pobresa den e pais y AVP no ta compronde cu si e hendenan cu ta gobernando e pais, no sa lesa of no ta compronde, of no tin interes pa lesa of compronde locual un Banco Central ta bisa.
“Banco Central den un rapport caminda nan a haci un ‘survey’ cu ta e rapport “Financial Well-being of Households in Aruba” caminda a papia cu hendenan den centenares di cas na Aruba y a bin constata cu ciudadanonan a perde entrada dramaticamente y cu 27% di nos comunidad na e momentonan aki, ta bibando c’un temor enormemente grandi pa locual ta trata nan debenan y un otro 47%, pues casi 50% ta bisa cu nan ta hopi preocupa cu gastonan financiero di nan cas den e proximo seis luna.
Pues den e rapport aki cu a wordo traha pa Banco Central, ciudadonan ta bisa cu nan ta preocupa cu nan finansa, cu 50% a biba for di ayudo di Rode Kruis pa pone alimentacion riba mesa y hopi di nan ainda no tin un solucion pa e problema aki.


Un 50% di esunnan entrevista pa Banco Central, ta bisa cu e placa no ta yega, cu nan tin debe acumula, cu nan no sa cu nan con nan finansa ta bay ta den e periodo nan dilanti.
Anto ariba esaki, ta tende cu ambtenaarnan cu a perde 12.6% y aki tin cu corda a’bun ambtenaar no ta un persona para su so, ya cu e ambtenaar ey cu a hiba un miho sueldo cas c’un persona cu ta traha pa un salario minimo, ta e ambtenaar cu a percura tambe hopi bes, pa un miembro di famia cu tin menosm, pa un omo, un tanta cu tin menos of un wela cu tin menos.
E ambtenaar ey c’un tiki mas entrada c’un tempo por a yuda un miembro di famia y awe e ta wordo strangula cu e 12.6%.
E douane ambtenaar, e polis, e maestro di scol, kendenan tabata duna un contribucion, e trahado social cu no unicamente tabata cuida su famia pero cu tabatin un tiki mas pa por a yuda un otro famia, awe tin cu bisa e miembro di famia aki, cu e no tin ni pa su mes, corda pa yuda bo.
Ta algo sumamente preocpante cu e poder di compra di nos comunidad ta wordo afecta di e manera aki pa un gobierno cu aparentemente no ta lesa ningun rapport.
Centraal Bureau Statistieken ta mustra kico ta un ‘bestaansminimum’ c’un famia mester cu ta bay creciendo den ultimo añanan cu mas cu 500 florin extra c’un famia tin mester pa pone simplemente e pan riba mesa.
CBS ta mustra cu mas di tres mil persona a bandona Aruba durante e aña aki pa motibo di desconfiansa den e direccion cu e pais ta bayendo.
Nos fraccion ta puntra nos mes, nos partido a puntra nos mes y e pueblo Arubiano ta puntra su mes kico e gobierno aki no kier mira, no kier tende pa bin atrobe c’un pakete di medida caminda ta bay prolonga e cortamento di e sueldo di empleadonan, caminda ta bay bin c’un BTW di 12.5% y no laga nan gaña ningun hende cu nan ta bay kita BBO cu esey ta bay kita die prijs.
Gobierno por kita e BBO for di riba papel pero e ta keda den e prijs y riba esaki ta bay bin 12.5% di BTW.
Unda e pueblo Arubiano for di cual a kita tanto placa caba for di dje caba, a redobla e BBO, a subi invoerrechten, a subi grondbelasting, a subi un cantidad di impuesto, un gasolin cu ta impagabel na e momentonan aki, caminda a priminti den pasado cu lo baha esaki, anto awor riba mesun pueblo aki, cu gobierno a kita placa for di nan salario, cu a kita Fase for di nan, cu a pone cantidad di medida cu ta haci gastonan imposibel pa nan por sobrebibi, awor gobierno ta bin c’un 12.5% mas di BTW ariba tur e daño aki.
‘Insult on injury’ ta locual nos ta yama esaki e tin nos tur y pueblo Arubano sumamente preocucpa.
Nos ta contento di tende cu gremio- y sindicatonan a cuminsa lanta pasobra cu ta placa di nan miembronan ta wordo kita y si bo ta un sindicalista, bo ta un lider sindical, anto bo ta representa empleadonan di Serlimar, bo no por ta representando interes di gobierno.
Ta e 300 trahadonan di Serlimar bon tin cu representa, esunnan cu a kita un dia di trabou for di nan na Serlimar, ta esunnan cu bo tin cu representa, esunnan na DOW cu ta traha canto di caminda, cu a kita e pagonan di truck for di nan, eseynan ta esunnan cu bo tin cu representa.
Esunnan cu no por paga awa y luz, eseynan bo tin cu representa y no e interes di esunnan cu tin n trabou den gobierno cu no ta cuadra cu e rol cu nan tin.
Awe Aruba ta sinti cu nos a bay un proceso electoral, caminda a bisa cu ta bay kita e medidanan aki, caminda a bisa cu ta bay trece alivio, awe ta haya castigo riba castigo y tanto partido AVP como e pueblo Arubano, ta sumamente preocupa,” lider di fraccion di AVP, Mike Eman a trece dilanti den conferencia di prensa.

Leave a Reply

Your email address will not be published. Required fields are marked *