fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Bou presion di AVP Dangui Oduber a core anuncia cu no lo introduci eigenbijdrage

Parlamentario drs. Mervin Wyatt-Ras a reacciona riba loke minister Dangui Oduber a trece padilanti durante su conferencia di prensa encuanto eigenbijdrage pa cuido medico. Aki el a anuncia cu no lo introduci eigenbijdrage mas. 

Ta asina cu dia 17 di mei a drenta parlamento e ley of e “Ontwerplandsbesluit omtrent de invoering van eigen bijdragen voor het geldigmaken van de aanspraak op een aantal verstrekkingen en tot wijziging van het Landsbesluit aanspraken genees- en verbandmiddelen (AB 2004 no. 18) in verband met de inperking van de aanspraak van verzekerden op geneesmiddelen ten laste van het Algemeen Fonds Ziektekosten”. Segun articulo 22 inciso 2 di e Ley Ziektekostenverzekering tin un “voortgangsprocedure” y Staten mester haya dos siman pa expresa deseonan y objecion na minister encuanto di e ley menciona.   

Fraccion di AVP a haci uso di su derecho pa pidi un reunion publico al respecto dia 19 di mei 2022 cu presencia di e minister encarga. Sinembargo e presidente di Parlamento no a yama e reunion aki. 

A manda un rappel dia 30 di mei pa e reunion aki por tuma lugar pa informa nos pueblo ariba e medida devastador aki. Wyatt-Ras hasta a papia cu e presidente di parlamento pa yama dicho reunion pero el a bisa cu e ta druk. 

Dia 1 di juni e medida devastador aki lo a bin na vigor. Awor e minister encarga cu salubridad ta anuncia den su conferencia di prensa cu no lo implementa e medida aki mas. Esaki sigur ta un alivio pa pashentnan. 

Di otro banda e minister aki ta culpa lider di partido y fraccion di AVP, mr. Mike Eman pa cu esaki. Minister Dangui Oduber kier scapa curpa dor di tira tur cos riba AVP y su lider.  Segun e mandatario eigenbijdrage ta presenta desde 2014 pa e lider di AVP den dialogo social of “wine and dine”. E ta bagatalisa dialogo social como “wine and dine”, insultando tur gremio. Aki por mira claramente cu e presion ta grandi riba lomba di e minister y e ta busca scapegoat pa tira culpa riba dje. Si a discuti eigenbijdrage na 2014 mes den dialogo pueblo por constata cu e no a ser introduci. Paso un diferencia grandi entre AVP y partido MEP di Dangui Oduber ta cu Mike Eman ta dialoga cu pueblo y cu stakeholders prome cu tuma decision drastico, mientras Dangui Oduber y su partido no ta dialoga sino ta hisa benta dicidi na forma autoritario, basta nan favorece nan propio compinchinan. 

Ta bon cu AZV a realisa cu tin hopi ehercicio pa haci pa wak di unda otro por saca placa cu no ta for di e pashent cu no tin’e facil No por pluma un galinja si pluma. Wyatt-ras a haya rason pa su plegaria. 

Wyatt-Ras den reunion cu AZV y den prensa a menciona varios alternativa cu por ser explora promer cu tuma medida asina drastico riba pueblo, manera control unda e suma cu pueblo ta paga na BAZV ta bai, mihor cooperacion entre dokternan den promer linja y entre dokternan, specialistanan y institutonan di dos linja. Tambe compra di medicinanan por ser organisa mas conhuntamente of central cu lo baha gasto. Banda di esey turismo medico por ser stimula pa obtene ingreso. Tratamento oncologico cu ta tuma lugar aki mes por atrae pashentnan den region pa bin tuma nan tratamento aki na Aruba. Tambe tin cu evalua gastonan na hospitalnan den exterior, pa baha dicho gastonan. Tin pashentnan cu ta keda mucho tempo na otro pais wardando tratamento. Aki lo por tin mihor cooperacion pa evita esaki y baha gasto. Wyatt-Ras ta contento cu minister a duna Wyatt-Ras y AVP rason pa bai busca y explora alternativanan enbes di corta en alma di nos pueblo. 

Wyatt-ras ta menciona alabes cu gobierno a faya pa introduci un vangnet pa cuidadanonan por cubri e gastonan di eigenbijdrage. E medida di eigenbijdrage aki sigur lo a crea klassezorg y lo a ocasiona problemanan administrativo serca dunadornan di cuido, boticanan y laboratorionan y sin control debido lo a stimula fraude mas ainda. Sin papia di e SDG’s cu Aruba no lo por cumpli cu nan, en especial SDG 3 cu lo mester garantisa cuido di calidad. 

Loke ainda ta keda cu lo bai dal pueblo duro ta e lista positivo cu lo ser austerisa dor di cual nos pueblo tin cu bai paga pa varios medicinan. Esaki tampoco no ta un medida acceptable y gobierno lo mester bai busca otro formanan pa haya ingreso pa e area di cuido. 

Aki por mira den ki problema Evelyn Wever Croes a hinca nos y cu lo keda tin su consecuencianan no solamente den cuido sino den tur sentido. 

Wyatt-Ras ta senjala cu di otro banda gobierno ta keda biba la vida loca cu un minister di Finanzas cu enbes di baha gasto e mes ta keda subi gasto di goederen en diensten contra conseho di CAFT. E minister di Finanzas ta fix su mes un Lincoln ultimo modelo di coriente cu lo mester plug na Kokolishi pa e charge. Tur esaki riba lomba di e mesun pueblo riba cual ta tuma medida di 12.6 % y cu tin cu paga pa su medicinanan y un djies un BTW. Pa colmo e minister di salubridad tambe kier un auto di luho maner di su colega.