fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Base solido como resultado di maneho di Gobierno anterior ta duna su frutanan

Diabierna ultimo, Banco Central di Aruba a emiti su ‘Financial Sector Supervision Report 2017’ unda cu e insituto aki ta duna su reporte riba desaroyonan riba tereno di supervision financiero. Akiden por deduci practicamente, diferente aspectonan positivo cu na mes momento ta describi un situacion totalmente diferente na loke e Gobierno actual a bin ta pinta pa algun tempo caba.

Tanto durante di campaña electoral como e ultimo ocho lunanan di gobernacion, politiconan di e gobierno actual a tin ta papiando  di un situacion di crisis riba tereno financiero y economico. Esaki no ta nada mas un refleho pa acomoda un falta di vision y falta di conocemento den e materia implementando medidanan riba pueblo sin conseho, sin dialogo y sin analisis.

 

Den su relato Banco Central ta bisa cu e “supervision financiero ta indica tambe cu durante di 2017, e sector financiero domestico, a keda solido, lucrativo y sumamente resistente na shocknan externo” cu sigur no ta cuadra cu e panorama politico cu partidonan den e gobierno actual a y ta pintando pa algun luna caba. Ta observacion- y ponencianan cu solamente ta posibel danki na e base solido di un maneho hiba pa gabinetenan Mike Eman I y II, unda a traha duro pa por a cumpli cu e norma presupuestario y cu lo a pone un fin na e supervision financiero di CAFT cu su periodo recientemente  a wordo prolonga.

 

“Ta creando un ‘perfect storm’ awendia riba tanto e desaroyo economico y finansa publico pa por acomoda un vision y programa di gobernacion cu nunca a wordo presenta. No por conclui cu otro cu nos pais ta wordo guia a base di escogencianan politico sin percura pa sigui fortalece e stabilidad cu gobierno anterior a crea. Den su conclusion di e rapport, Banco Central ta mustra cu durante e ultimo 8 añanan a percura pa un ‘aplicacion estricto y consistente di e ley- y regulacionnan di supervision y di prevencion y combatimento di labamento di placa y financiamento di terorismo den e transcurso di e ultimo añanan, a contribui na mantene un sistema financiero stabiel cu bon reputacion y sano na Aruba.’

 

Ta conclusionnan cu solamente ta posibel a base di un plan di maneho financiero y economico responsabel, dirigi pa crea un ambiente positivo cu ta habri espacio pa un desaroyo economico y financiero sumamente positivo pero cu awor ta confrontando obstaculonan politico cu por bruha e confiansa cu a wordo construi den ultimo añanan.

E disciplina estricto riba un maneho financiero y economico ya a wordo poni na duda na momento cu e gobierno actual a cuminsa inventa situacionnan di crisis cu nan mes no por splica y pa colmo ta hibando un maneho cu ya a wordo cuestiona pa tanto instancianan local como gobierno Hulandes, caminda ta tumando medida pa supuestamente atende cu e situacion di crisis cu nan ta bisa cu lo tin, pero en realidad ta creando un caos inventa cu ta forma un peliger serio pa e stabilidad cu Banco Central ta mustra den su rapport financiero di 2017.

 

Sinembargo ta crea un situacion delicado tanto pa pueblo como e sector comercial cu ta wordo confronta c’un aumento di BBO y BAZV cu ya caba ta causando un inflacion cu ainda ningun hende y sigur no gobierno mes, por pre mira e consecuencianan financiero y economico di esaki.

Den apenas e prome dianan cu medidanan a drenta na vigor por a constata e incomodidad cu pueblo ya ta sinti ora cu e haci su compras, mirando cu su entrada ta keda reduci formalmente pa un medida cu  a wordo introduci sin cu gobierno a hiba un dialogo, a busca conseho di instancianan y simplemente a dicidi cu mester di fondo pa ehecuta un plan di gobernacion cu ainda no ta conoci.