fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Banco Central ta mustra cu Aruba no por sigui den e direccion actual

Lider di partido AVP ayera mainta den un conferencia di prensa extra ordinario convoca, a mustra cu Banco Central di Aruba a publica un rapport cu AVP ta mira cu hopi preocupacion, ya cu ta un rapport cu por mira hopi di  inkietud cu AVP a bin ta encontrando den pueblo, ta wordo refleha den cifranan concreto cu Banco Central a midi cerca consumidonan 

Parlamentario Mike Eman a mustra cu Aruba ta para na un crusada caminda decisionnan grandi tin cu wordo tuma pa futuro di e pais ya cu tur hende ta sinti cu e pais no por sigui den e direccion actual.

Un gobernacion manera cu e ta wordo hiba, tur dia a afectando mas y mas e confiansa di pueblo, afectando e poder di compra di conciudadanonan, creando hopi tristesa y ta lagando atras un cantidad di famianan, den un posicion sumamente fractura  caminda por mira un depresion den e pais,

“E rapport di Banco Central lamentablemente nos ta mira cu e gobierno cu mester comparti esaki cu nos comunidad no ta haci esaki mientrs cu e instituto cu a publica e rapport aki, ta Banco Central di Aruba.

No ta cualkier instituto pero ta un instituto di suma importancia pa pais Aruba, un instituto cu profesionalismo halto, cu obhetividad halto y cu tin man poni tur dia na pols di economia di financia di pais Aruba   y logicamente ta midi e sentido di humor, e sentido di sentimento nan cu tin den comunidad y locual Banco Central a midi ta uno sumamente preocupante  na e momentonan aki.

E prome parti di e rapport aki cu ta carga e tiulo di ‘Consumer Confidence Survey Report’ di e segundo kwartaal  di 2022.

E prome pagina ta mustra e grafieknan y aki laga mustra di biaha  akinan cu not a grafieknan cu partido AVP of Mike Eman a traha ya cu cada un  di e grafieknan aki, ta bin directamente for di e rapport di Banco Central.

Banco Central su consumer report pa 2022 ta bisa na prome luga, cu 75% di nos comunidad, na e momentonan aki ta sinti cu cada dia cu cosnan ta bay bira mas dificil pa economia y naturalmente tambe pa nan cartera.

No a un cifra chikito,  no ta 20 of 30% pero 75% ta spera condicionnan mucho mas malo den proximo periodo segun Banco Central su rapport.

Di dos cifra cu BCA ta alarma p’e, pasobra hopi bes por scucha gobierno bisa cu economia ta recuperando,  cu turismo ta drechando y cu tin hopi cupo di trabou pero esunnan cu a wordo entrevista dor di Banco Central, 55% tin expectativa pa nan haya un trabou nobo, ta birando mas dificil.

Pues contrario na locual  gobierno ta bisa, sigur Prome Minister cu tur ora ta bisa cu ‘nos tin hopi bon noticia, wel e bon noticia aki ta sumamente tristo.

E di tres cifra ta ainda mas preocupante pasobra e ta mustra con comunidad  ya no ta carga speransa mas cu e gobierno cu tin cu maneha e situacion, no tin e situacion  bou di control. 

BCA ta mustra cu 60% a bisa cu e condicion financiero di gobierno, segun nan ta sinti, unicamente lo empeora den e periodo nos dilanti.

Un 46%, pues practicamente mita di Aruba,   ta e inkietud cu nan financia na cas  lo bay atras segun e cifranan den e rapport di BCA.

Un pais caminda e comunidad practicamente ta den un depresion  nacional, un depresion pasobra cu nan cartera ta mustra nan cu e placa no ta yega mas, un depresion pa motibo cu nan no ta mira cu tin un gobierno cu ta ofrece pueblo perspectiva.

Un gobierno sin ningun idea of iniciativa, ningun proyecto ta wordo haci pa crea un perspectiva economico cu e pais lo bay dilanti, cu lo tin mas trabou, cu lo tin mas oportunidad, al contrario, nos ta bibando momentonan caminda nos ta mira cu scolnan ta habri cu falta di maestronan si scol.

Scolnan ta habri cu falta di material, un cantidad di scol no por habri mes, werksternan kendenan a wordo priminti cu nan situacion lo wordo mehora, a corta den nan salario, nan a habri aña escolar cu salario corta. Maestronan di scol cu ta bandonando nos pais, dokter y specialistanan cu tambe ta bandonando nos pais y ciudadanonan cu ta bandonando nan pais segun ultimo cifranan cu nos a haya di CBS.

Ora cu nos combina e cifranan aki di Banco Central cu e realidad cu nos hendenan ta bibando na e momentonan aki,  nos ta haya informacion cu Aruba no por sigui den e direccion aki,” Parlamentario Mike Eman a mustra.

Leave a Reply

Your email address will not be published. Required fields are marked *