fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Awor si ta ora pa Minister Bikker  sigui conseho di Parlamentario Bikker y retira

Como Minister di Hustica na poder, Andin Bikker no tabatin vision y no tabatin maneho y awor cu e ta demisionario, tampoco e tin capacidad  pa atende cu e ola di criminalidad cu ta pasando den comunidad.

Arthur Dowers   di AVP a mustra cu ta increibel cuanto actonan di violencia, uso di arma di candela y arma blanco, atraconan den cas di hende y riba comerciantenan, ta tumando luga, mientras cu Aruba tin un minister demisionario cu parce ta demionario for di 2017 ora cu el a huramenta.

“For di prome dia di aña 2021 tin cantidad di casonan di uso di arma di candela tumando luga, cu a costa bida di varios hoben, agresion cu arma blanco den varios bario rond Aruba sin c’un dia Andin Bikker por a bin dilanti y mustra pueblo kico e lo bay haci pa contra aresta e situacion aki.

Ta mesun minister di husticia inhusto aki, ta esun cu a priminti pueblo cu e lo reduci crimanilidad asina cu e bira minister di husticia, cu e lo laga instala camaranan na casi tur cas rond Aruba, cu e lo percura pa cuerpo di polis ta bon ekipa y awor ta bin resulta cu ni computer e por a regla pa polisnan haci nan trabou miho.

Unico cos cu e gobierno di Bikker a haci, ta kita salario for di polisnan, reduci nan entrada a base di un plan cu su Prome Minister a presenta na Hulanda pero  algo riba su maneho pa realmente reduci criminalidad, niks en nog eens niks.”

E unico logra di minister demisionario Bikker, ta su propio deseo di un dia a fungi como Minister di Husticia, pues su soño a bira realidad mientras cu pueblo mes no por drumi drechi y  ta sufri di ‘nachtmerrie’ pa e maneho cu e minister aki a bin ta hibando.

Normalmente un minister demisionario ta keda haci cosnan rutinario te ora cu eleccion tuma luga pero lo ta bon pa Andin Bikker scirbi historia, bay den bukinan di historia politico di Reino Hulandes, como e prome y unico minister demisionario, cu ta tuma retiro ya cu hasta como demisionario,  e no tin maneho pa proteha su pueblo.