fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 AVP #11 T’esun! Jennifer Arends-Reyes e candidata perfecto pa Enseñansa y Turismo

Oranjestad, Mei 2021 – Jennifer Arends Reyes ta un nomber cu a bin ta hala hopi atencion y simpatisante for di su entrada na 2013 riba e lista di AVP. Sigur den su prome salida a hasi un diferencia grandi den politica enfocando riba area di Educacion y Turismo. For di su entrada na 2013 riba e puesto #20 ricibiendo mas di 600 voto tras di su nomber, tabata un señal cla pa Jennifer y Aruba cu su carera politico tin un proposito y esey ela bin ta hasi cu determinacion y Firmesa. 

E motibo principal cu Jennifer a drenta politica ta pa hasi un diferencia trahando pa e bienestra di Aruba. Pa Jennifer number riba lista nunca tabata un obstaculo den su caminda pa logra gana curason y sosten di su pueblo. E ta un persona luchador y fuerte. Na 2013 ela ocupa e puesto #20 y na 2017 ela subi na puesto #10 manteniendo asina su votadornan cu a kere semper den dje y den su trabao cu ela bin ta desplega desde 2013. Semper enfocando su mes ariba e meta cu a drenta cun’e den politica, semper constructivo, cu energia positivo y activo den organisacion di su partido tambe.

Pa cu eleccion venidero Jennifer kier a recorda tur hende cu #11 T’esun! Jennifer ta duna respet y oido na tur su votadornan cu ta crece cada dia y ta kere den su potencial grandi, seriedad, trabao y esfuerzo pa Aruba. Jennifer ta cla pa e reto su dilanti, e reto di salba Aruba conhuntamente cu e partido Berde y ta hasi un yamada na tur hende pa dunanan e mandato y respaldo completo pa nan por salbaguardia e pueblo.
Mescos tabata e caso durante di Gabinete Mike Eman 1 y 2, Jennifer tin e experiencia y tur e cualidadnan pa continua cu su trabaonan necesario pa enfoca riba Enseñansa, formacion di nos hobennan y tin un pasion grandi pa Turismo, cual ta nos pilar economico di mas importante. Dia 25 di Juni pueblo por conta un biaha mas riba Jennifer Arends Reyes – AVP #11 T’esun dunando e bo sosten y voto!

Leave a Reply

Your email address will not be published. Required fields are marked *