E tabata un ambiente grandi, cu un multitud, no solamente di Noord pero di diferente parti di e isla cu a compaña e candidatonan di Noord – Juan David Yrausquin, Paul Croes y Jeffrey Kelly – den e Green Walk di Noord.

E camindanan rond di Rio Berde tabata berdaderamente berde di tur e personanan cu a participa den e caminata of cu a simplemente para banda di caminda pa duna apoyo na esnan cu si a stretch nan pia of a bay riba bicicleta.

Varios Parlamentario, Minister y candidatonan nobo a duna acto di presencia pa mustra nan apoyo na e Caminata Berde.

Un ambiente formidabel tabatin principalmente den e sesion di zumba cu a keinta curpa di e participantenan. Por a mira varios político – manera Juan David, Paul, dr. Schwegle, Tyson Lopez – den un forma mas relahante tratando di sigui e ritmonan di zumba.

Manera ta conoci, voluntarionan ultimo simannan a bin ta trahando pa renoba Cas di Partido Noord (Rio Berde) y el a keda oficialmente habri diadomingo mainta.

Ademas di e candidatonan di Noord, tambe a hiba palabra e atardi aki Minister Otmar Oduber, Arthur Dowers y Prome Minister Mike Eman, kende a yega cu un parada basta grandi cu a paralisa trafico.

Riba e combinación di foto por mira algo di e ambiente.