fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

Andin Bikker pa hopi tempo caba tabatin deseo di bira Minister di Husticia y ta un secreto cu e mes no a sconde y hasta a solicita cerca AVP pa bira minister di husticia pero awor cu e ta minister por ripara cu e bachi cu e tin bisti, ta keda su persona hopi chikito, Parlamentario Arthur Dowers a declara.

“E minister di inhusticia aki a scoge dialuna ultimo pa bay difama dos ambtenaar, personanan cu tin hopi aña trahando den gobierno y kendenan semper a cumpli cu nan trabou a pie de la letra.

Mi no a tende e minister aki menciona ningun momento algo cu por hustifica e forma difamatorio cu el a expresa su mes dialuna contra dos ambtenaar,  kendenan por cierto ta dos ambtenaar di husticia cu kendenan mi a traha den pasado.

E tempo ey mi no a wak nan color politico pero nan ta personanan kendenan a traha duro, semper corecto y a cumpli cu nan responsabilidad y semper a traha cu respet cu tur dos, apesar c’un di nan  a yega di wordo nombra pa gobierno di MEP.

Ta di lamenta cu awor ta atacha e bon nomber di un funcionario publico di inmigracion, kende semper a percura pa hiba un maneho na bienestar di tur hende y di e departamento, cu no tur ora a conta cu sosten  di tur, pero cu si a cumpli y awor ta wordo confronta cu minister di inhusticia cu ta mishi cu su integridad di e forma aki.

Mi ta sigur cu si sr Fingal por cana  e caminda di Corte y caminda ta sigur cu e lo haya razon tambe pa e inhusticia cu e ministr inhusticia ta comete contra di su persona.

Ta un berguensa sin duda, un berguensa nacional ora cu minister aki bin dilanti y bisa cu el a suspende e hefe di warda nos costa pa motibo cu e lo a deporta un hende cu a solicita pa asilo politico.

E pregunta aki ta si tin pidimento di asilo of no, ya cu algun tempo pasa un grupo cu no tin permiso, a bay acudo na DIMAS riba un informacion cu a Sali for di seno di partido MEP, caminda nan lo por a pidi asilo politico pero despues cu partido AVP a denuncia esaki, e mesun hendenan aki di MEP a Sali bin dilanti y bisa cu no ta berdad y cu lo no coopera pa hendenan pidi asilo politico.

E persona cu minister di inhusticia ta bisa cu el a wordo deporta, no a wordo deporta y ta bon pa pueblo sa di esaki, ya cu e persona ey no a wordo deporta dor di warda nos costa, ya cu e unico momento cu warda nos costa por bay over na deporta un persona, ta ora cu e bay busca e persona y haye ta traha ilegal, ta detene e persona pa e wordo deporta.

Den e caso cu e minister ta papia di dje y informacion cu mi persona tin y si e minister di inhusticiaaki tabata interesa lo por a busca e informacion ya cu e persona envolvi, ta un persona cu e mes a presenta na warda nos costa pues ningun momento el a wordo gara algun caminda.

Pakico el a presenta na warda nos costa ta pa e hecho cu el a drenta Aruba den forma clandestino, via di un boto, a comete actonan contra ley y a bay warda nos costa ya cu ora un persona drenta e pais den forma clandestino, sea cu documentonan a muha na caminda of no a bin cu documento mes, ta dificil e bandona e pais.

E persona aki tabatin cantidad di placa den su poder, ta un menor di edad y ta dificil pa kere c’un hoben cu asina hopi placa, ta bin Aruba den forma clandestino pero e tabatin hopi placa den su poder y algun asina mester a hala atencion y mester a puntra ta con el a yega na e placa aki.

Mi a compronde tambe cu e persona aki tabata ocupa su mes cu cosnan ilegal y a bay warda nos costa pa e wordo deporta pa asina e por yega na su documentonan pa e por bandona nos isla.

Nignun momento so e persona aki ta un persona cu a pidi asilo politico y e mester a pidi asilo politico ora cu el a yega y no a haci esey ya cu e no por bin Aruba, comete su fechorianan  di ilegalida y ora cu el a cansa di haci esakinan y ta imposibel c’un minister di husticia ta duna su cooperacion na bagamunderianan cu ta tuma luga den nos pais, y na momento c’un funcionario haci su trabou y percura pa e persona aki bandona nos isla, a hacie conforme ley, conforme e encargo cu e tin.

Awor e minister di inhusticia ta difama e funcionario aki bisando cu el  daña nomber di Aruba na Washington,cu pa colmo tin un Presidente cu ta deportando tur hende su mes y awor minister inhusticia ta gevoelig pa kico e prome mandatario mericano lo pensa.

Na luga di Sali na defensa di un funcionario asina serio y responsabel, e minister ta prefera di scoge pa Sali na vanguardia di un persona cu a bin Aruba den forma ilegal, comete fechorianan contra nos leynan y ta net un persona asina minister ta defende y ta manda un funcionario serio for di trabou, “ Parlamentario Arthur Dowers ta mustra.

 

 

 

Leave a Reply

Your email address will not be published. Required fields are marked *