fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 Aprobacion di CAFT condiciona na reduccion di 12 miyon na personal e aña aki ainda

Segun un e relato di prensa cu a wordo publica diabierna ultimo, CAFT a confirma cu Gobierno lo a cumpli cu su recomendacionan bou condicion cu e deficit ta menos cu esun di aña pasa, entradanan di dividendonan di companianan estatal materialisa nan mes y cu gastonan di personal lo baha structuralmente e añanan venidero. Pa prueba esaki Gobierno lo a presenta un plan di reduccion di personal. “Pa fraccion di AVP sin duda no tabata un sorpresa na momento cu diabierna ultimo CAFT a indica cu presupuesto 2018 a cumpli cu nan recomendacionan tabata a base di e promesanan cu Gobierno lo a hasi cu ainda mester wordo presenta den un cambio di presupuesto 2018,” Parlamentario Richard Arends a bisa.

 

Loke ta sigur  — pero cu gobierno, como tambe e fraccion mas grandi cu ta sostene gobierno, ainda no a informa, pero CAFT si a informa den su comunicado — ta cu gobierno lo tin cu reduci gasto di personal cu 12 miyon florin den e proximo 6 lunanan cu ta resta di e anja aki. Na momento cu papia di reduccion di gasto si personal ta bolbe confirma preocupacion cu nos fraccion a vocifera durante tratamento di presupuesto. Durante tratamento di presupuesto 2018, fraccion di AVP a haci un serie di pregunta na gobierno, riba diferente puntonan caminda a ser pidi di gobierno pa duna mas claridad riba kico gobierno kier logra cu e presupuesto. Fraccion di AVP a dirigi casi mil pregunta na gobierno ya cu tabata bisto cu e presupuesto tabata lew cumpli cu normanan stipula pa e ley di supervision financiero. Miembro di fraccion di AVP, Sr. Richard Arends, a cuestiona seriamente diferente aspecto den e presupuesto, entre otro aumento excesivo di gastonan, cu tambe a wordo señala pa CAFT den su evaluacion preliminar.

 

Sinembargo en bes di atende y aclaria e preocupacionnan presenta, tanto gobierno como fraccionan cu ta sostene gobierno a prefera di hinca mayoria di tempo den discusionnan politico cu no tabata al caso y den  ultimo dianan por mira resultado di e falta di seriedad y responsabilidad aki. CAFT confirma e hecho cu gobierno a aumenta su gastonan di manera excesivo, e.o. gastonan di personal a aumenta 12 miyon florin compara cu aña pasa. Mirando e factornan cu nos ta bibando aden no ta exclui cu nos lo conoce un inflacion enorme cu pueblo lo wordo expone na dje. No tin hustificacion pa e forma con gobierno di un banda ta papia di ‘crisis finaciero’ y uzando esaki como excuus pa aumenta BBO y BAZV na mes momento y den un tempo asina cortico a bira aumenta gastonan di gobieno cu 125 miyon compara cu realisacion di anja pasa.

 

Loke cu Gobierno a compromente su mes cu CAFT ta lanta preocupacion grandi ya cu pa logra reduci gasto di personal cu 12 miyon florin den proximo seis luna, mester manda mas cu 300 trahado cas si tuma e salario promedio, of mester bay kita beneficionan secundario di empleadonan publico manera nan pensioen. “Cualkier cambio mester forma parti di un cambio di prespuesto 2018 cu mester wordo presenta di corto tempo na Parlamento ainda. Nos lo manda puntra Gobierno con lo haci esaki y ta di spera cu esaki no ta inicio di otro persecucion politico mientras cu ta laga e grupo grandi cu gobierno a tuma den servicio recientemente, sigui riba payroll di gobierno,” Parlamentario Richard Arends ta mustra.

 

Leave a Reply

Your email address will not be published. Required fields are marked *