fbpx
Edit Content

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 A fish rots from the headdown

Den un organisacion yen spirito no mester straña ningun hende cu tambe tin corupcion den DVG. Claro cu e ta erg cu e 75 dollar cu hende ta paga pa nan PCR test ta bay den saco personal di un empleado. Claro cu ta malisimo ora tin bendemento di pruebanan di vacuna na hendenan cu no a vacuna. Pero DVG ta simplemente otro departamento prominente na unda fraude a ser descubri. Nos ta haya fraude tambe den Openbaar Ministerie, Censo y DIMP. 

E problema ta cu señora Evelyn y Ursell Arends ta demonstra tiki competencia y aparentemente no sa kico integridad di un organisacion ta. Nan tin e pensamento simplista cu si e ambtenaar ta basha abou riba su coleganan e aparato gubernamental automaticamente lo ta integro. Un maneho di integridad ta cuminsa ora ta scohe e personal di gobierno. Pa haci esey bon mester tin un descripcion adecua di cada funcion y cada tarea den e aparato gubernamental. Asina mes tin hende cu lo keda vulnerabel pa comete fraude. E motibo por ta ambicion personal, problema financiero of diferente adiccion manera gambling. Pero e hendenan aki no lo comete fraude sin cu nan ta haya e oportunidad pa fraude.

Ta ora bo laga pushi cuida pisca bo ta buscando problema. P’esey e risico di fraude ta aumenta ora gobernantenan no ta percura pa procesonan cu ta preveni fraude y cu ta detecta corupcion rapido. Pero e factor mas importante cu ta crea corupcion ta ora empleadonan den e aparato gubernamental ta mira nan ministernan mes ta viola normanan di integridad: “A fish rots from the head down”. Esey kiermen cu e “tone at the top” ta influencia henter e organisacion. P’esey ta logico cu e casonan di corupcion ta aumentando ora señora Evelyn y Gabinete Wever-Croes ta gaña, ta nombra famia y personanan acerca den diferente posicion den e sector publico y semipublico, y ora empleadonan ta mira e conflictonan di interes di entre otro minister Endy Croes y e falta di transparencia di Gobierno. Asina nos gobernantenan ta corumpiendo nos aparato gubernamental, mientras señora Evelyn ta pose cinicamente cu un mug di un Bureau Integriteit…