fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

 A duna Presidente di Parlamento 24 ora pa contesta carta

Fraccion di AVP a pidi un audiencia extraordinario cu Gobernador di Aruba pa pone na altura di un carta cu nan manda pa presidente di Parlamento unda ta pidi p’e aclaria tur acontecimento y a dun’e 24 ora pa splica con e lo “retracta” e mocionan di dia 15 di october ultimo, manera cu e mes a declara den su conferencia di prensa. E presidente di Parlamento no a reacciona riba e carta y pa es motibo fraccion di AVP a presenta na Gobernador.

Lider di fraccion, Marlon Sneek a bisa cu den Parlamento a tuma luga manera votacion ilegal, pero despues a nota cu e presidente a saca carta sin autorisacion y ta papia den nomber di Parlamento su totalidad. Den un rueda di prensa a tende con e presidente ta bisa cu lo trek in mocionnan entrega di parlamentarionan. Fraccion di AVP a informa presidente di Parlamento p’e coregi e erornan y cosnan no por keda asina eyfo, pasobra comunidad merece di haya e berdad.

Sneek ta di pensamento cu Parlamento mester haya su debido respet. Presidente di Parlamento mester coregi e erornan cu e ta haci, pasobra esey no por keda colga riba Parlamento. Articulo 27 ta bisa cu si no tin quorum, no por sigui. P’esey e mocionnan ey ta ilegal, e carta cu ta bisa di manda un minister cas ta ilegal.

Parlamentario Richard Arends a splica di a constata cu tur cos  cu a sosode na momento cu diesun miembro di Parlamento no tabata den sala y tur cos cu a pasa desde esey, no a conta cu e rekesito di e quorum cu e constitucion di Parlamento ta prescribi y e reglamento di ordo. El a expresa cu tur loke a pasa despues di e momento ey ta invalido, incluyendo e votacion pa e tres mocionan. P’e fraccion no ta suficiente cu simplemente a declara esaki y bisa cu lo retractanan, pasobra a entrega e mocionnan conforme reglanan y Presidente di Parlamento no tin autoridad pa retracta un mocion cu e no a entrega. Durante e trasncurso di reunion te prome cu votacion tabatin quorum, pasobra miembronan a entrega na e reunionnan debidamente.

E parti di votacion no a sosode segun constitucion y reglamento di ordo di Parlamento. Como cu miembronan di fraccion di AVP tambe ta forma parti di e instituto aki, nan tin e tarea pa tambe salvaguardia e integridad di e instituto di Parlamento. Durante e audiencia cu Gobernador, fraccion di AVP a trece nan preocupacion y ta spera cu accionnan formal tuma luga p’e decision aki. Tambe pa ehecuta e invalides y nulidad di e mocionan en cuetsion, pasobra mester repar henter e proceso di toma di decision di e reunion publico.

Leave a Reply

Your email address will not be published. Required fields are marked *