fbpx
Edit

Duna nos Luz Berde

Danki na Bo sosten partido AVP por a sirbi Aruba durante añanan largo. Den periodo 2009-2017 nos a traha duro pa haci nos isla miho, mas bunita y mas solido. Nos a logra hopi. Pero tin hopi mas pa haci. E trabou cu nos a haci durante ultimo e periodo aki ainda ta visibel tur caminda: kilometernan di caminda a wordo construi y hopi mas a wordo reconstrui. Barionan y areanan publico cu tabata decai awe ta bunita y dushi pa biba y pasa tempo aden. E hospital nobo t’ey awor pa duna miho servicio na comercio y miho cuido na ciudadanonan. Scolnan cu tabata den mal estado a wordo reconstrui y a traha scolnan nobo. Cada un di e proyectonan aki a contribui na crea trabou y miho servicio. Nan ta embeyece nos pais y crea oportunidadnan nobo pa nos hendenan y nos economia.

Tuma contacto cu mi

Trabounan di embeyecimento y mehoracion di calidad di bida di nos hendenan a tuma lugar na un total di 47 bario rond di nos isla

Siman pasa Otmar Oduber durante un exitoso reunion di contacto na cas di famia Mackintosh na Pos Chikito a indica cu nos ta na porta di un eleccion, faltando un poco mas di 70 dia pa e tuma lugar. El a bisa cu ta trata di un eleccion sumamente importante  caminda pueblo lo huzga e trabou cu a wordo haci durante e ultimo 4 añanan. “4 aña caminda hopi trabou a wordo haci, trabounan cu bo ta mira tur parti di Aruba. No a concentra unicamente den Caya Grandi, pero trabounan di embeyecimento, mehoracion di calidad di bida di nos hendenan a tuma lugar na un total di 47 bario”, candidato di AVP a duna di conoce.

Tambe el a expresa cu trabounan grandi a wordo haci pa mehora nos pilar economico, nos turismo y pa cual recientemente a bolbe haya elogio no solamente di Promer Minister di Hulanda cu tabata siman pasa dialuna na Aruba, pero tambe di IMF, Fitch y Standard and Poor’s. E ultimonan aki a bin Aruba pa haci e rating di nos isla y  pesar di a mustra cu nos tabatin un ciere di un refiniera, cada un di nan a elogia e trabou grandi cu a wordo haci den turismo. Nan por a mira cu a pesar cu a perde un pilar manera ta esun di e refinieria pa Pais Aruba cu tabata genera 14% di nos ingreso bruto, Aruba a sa di mantene un crecemento economico di 2% y ta premira tambe cu pa 2013 y pa 2014 esaki lo sigui crece.

Mirando e bon resultadonan aki, Otmar Oduber ta bisa cu berdad tabatin un bon trabou a wordo haci, pero ainda falta. “Nos ta conciente di dje y mi ta kere cu e don mas grandi ta pa ora bo reconoce y bisa ainda tin cosnan pa wordo haci, ainda tin cosnan pa wordo mehora y ainda pueblo di Aruba merece di haya un calidad di bida mas halto cu nan tin na e momentonan aki…y esey ta e trabou cu nos ta haciendo”.

Cada un seccion a haya y ta hayando atencion , ministernan di e actual Gabinete a percura pa inversionnan wordo haci, a zorg pa infrastructura na Aruba atrobe haya un espacio, pasobra manera Otmar a yega di bisa diferente biaha, no por tin hotelnan na Aruba ta cobra 200-300 dollar y esun cu ta traha eyden cu e turistanan tin cu sali for di un bario cu ta yen di santo, no tin luz, etc. Mester crea barionan sano bek, nos mester inverti den nos hendenan, Promer Minister ta cana den tur bario, ta registra lugarnan cu falta luz y ta mandanan aden; casi 2 mil luz a wordo poni durante e ultimo lunanan aki y tin un ordo cu a bay di casi 12 mil luz nobo pa hacinan led light pa baha gasto di Gobierno cu 40% y mas o menos 4 pa 5 mil luz nobo lo tin cu bin den e diferente barionan rond Aruba cu na e momentonan aki ta den scuridad, Otmar Oduber a duna di conoce.

Leave a Reply

Your email address will not be published. Required fields are marked *