AVP ayera a logra 13 asiento cu ta un record si asiento despues di Status Aparte.
Partido MEP a logra 7 asiento, Democracia Real a logra 1 asiento. E partido mas chikito a resulta PPA cu a haya 490 voto so e eleccion aki.
AVP provisionalmente, sperando e resultadonan definitivo a termina cu 33.213 voto, MEP cu 17.805, PDR cu 4432, RED cu 1187, UPP cu 794 .
Manera custumber a eleccion a cuminza poco stijf cu e prome urnanan cu a drenta, for di cual urnanan no por a crea un opinion fiho ainda di e direccion cu e eleccion ta tuma, a pesar cu por a haya un idea di e ruta electoral di votonan.
E stemlokaal adicional cu tabata na Hospital a drenta algo pasa di 8 or y segun e urnanan a cuminza drenta mas tras di otro, pa 9 or anochi cu 5 urna a drenta ya AVP por a conta provisionalmente cu 4 asiento y MEP cu 1.
Pero 20 minuut despues a bin un cambio drastico cu a mustra AVP cu 13 asiento y MEP 7 asiento y PDR a subi pa logra 1 asiento provisionalmente. For di e momento aki a cuminza un lucha entre AVP y MEP cu 13 y 7 of 14 y 6. Nan no kier laga otro bay. Nan a keda subi y baha manera riba un wip.
Pa 9.34 or AVP a logra un asiento mas pa subi pa 14 pero algun minuut despues a cay bek pa 13 y MEP a keda cu 7 y PDR a keda na 1
Pa 10 minuut pa 10 or tabata falta 41 stemlokaal pa drenta .
AVP a subi bek pa 14 asiento y a mantene esey te 10 pasa di 10 cu nan a cay atrobe pa 13 mientras cu
MEP a bay pa 7 asiento y PDR a keda cu su 1 asiento.
Cambio a bini den 10 minuut pa AVP subi pa 14 y MEP perde 1 asiento locual tabata na conteo di 50 porciento di e urnanan. Na e momento ey AVP a logra bira doño di tur distrito den voto, pero no a dura mucho cu Santa Cruz a cambia bek pa mantene su mes geel.
Pero pa 10 pa 11 AVP a cay pa 13 y MEP a haya un mas pa 7 mientras cu PDR a keda cu su 1 asiento. Esaki a keda asina faltando 21 urna mas pa drenta pa un cuarto pasa di 11.
E situacion aki a sigui ta casi 2 or di madruga cu tabata falta resultado di Maria Goretti College pa drenta pa asina cera e votacion y ricibi e resultadonan provisional sperando awor riba e resultado oficial definitivo di parti di Hoofdstem bureau.
